Trampın dörd əsas məsləhətçisi açıqlandı

Tarix: 14 Noyabr 2024 00:46

ABŞ-ın yeni seçilmiş Prezidenti Donald Trampın Ağ Evdə dörd əsas məsləhətçisinin adı açıqlanıb.

Sonxeber.net report-a istinadən xəbər verir ki, bu barədə seçilmiş prezidentin keçid komandasının yaydığı bəyanatında deyilir.

Trampın ən uzunmüddətli, etibarlı müttəfiqlərindən biri və onun yenidən seçki kampaniyasında baş məsləhətçi olan Den Skavino prezidentin köməkçisi və Ağ Ev aparat rəhbərinin müavini olacaq.

Stiven Miller isə prezidentin köməkçisi, Ağ Evin Siyasəti və Milli Təhlükəsizlik Məsələləri üzrə Aparat rəhbərinin müavini vəzifələrində çalışacaq.

Öz növbəsində Ceyms Bleyer prezidentin köməkçisi, qanunvericilik və ictimai əlaqələr üzrə administrasiya rəhbərinin müavini vəzifələrində çalışacaq.

Taylor Budoviç isə prezidentin köməkçisi, Ağ Evin kommunikasiyalar və kadrlar üzrə aparat rəhbərinin müavini təyin edilib.