Ermənistanda rus telekanalları tamamilə bağlanacaq

Tarix: 17 Dekabr 2024 13:18

"Uzun müddətdir ki, Rusiya kanallarının Ermənistanın milli multipleksiyasından çıxarılması məsələsi fəal şəkildə müzakirə olunur". 

Sonxeber.net xəbər verir ki,  bu barədə Ermənistanın "Keçmiş" qəzeti yazır.

KİV etibarlı mənbələrinə əsaslanaraq qeyd edir ki, bu proses yeni ildən qüvvəyə minə bilər:

""Hakim "Mülki Müqavilə" partiyasına yaxın mənbələrimiz bildirir ki, Paşinyan hökuməti Ermənistanda Rusiya telekanallarını birdəfəlik bağlamaq qərarı ilə bağlı yekun qərar qəbul edib. Mənbəmizin sözlərinə görə, proses yanvarda başlayacaq. Yeri gəlmişkən, hakimiyyətin qanuni "boşluqlar" və "multipleks olmayan" Rusiya kanallarının, xüsusən də "informasiya-siyasi" adlanan kanalların yayımını məhdudlaşdırmaq variantları tapmağa çalışdığı barədə məlumatlar var", - nəşr qeyd edir. / unikal.az