Maskın şirkəti insan beyninə çip qoydu

Tarix: 11 Yanvar 2025 15:16

"Neuralink" şirkətinin hazırlandığı beyin implantı dünyada üçüncü insana quraşdırılıb.

Sonxeber.net xəbər verir ki, bu barədə "Bloomberg" agentliyi məlumat yayıb.

"Bizdə "Neuralinks" implantı qoyulmuş insanların sayı artıq üç oldu və onların hər biri yaxşı işləyir", - deyə Mask bildirib.

O əlavə edib ki, şirkəti daha 20-30 nəfərə "Neuralink" çipi yerləşdirməyi planlaşdırır.

Qeyd edək ki, "Neuralink" implantı elektrik cərəyanlardan istifadə etməklə beynin fəaliyyətinin monitorinqini aparmağa və onu stimullaşdırmağa imkan verən çipdir.

Şirkətdən qeyd edilir ki, bu layihədə əsas amal iflic olmuş insanların beyin fəaliyyəti ilə distant cihazları idarəetməsinə və beləcə insanlarla ünsiyyət qura bilməsinə vasitəçilik etməkdir.