Los-Ancelesdə yanğınlarda 16 nəfər ölüb

Tarix: 12 Yanvar 2025 08:36

Kaliforniyanın Los-Anceles şəhərində baş verən misli görünməmiş meşə yanğınlarında indiyə qədər 16 nəfərin həyatını itirdiyi, yanğınların daha 1,000 hektar əraziyə yayıldığı bildirilib. Hava şəraitinin əlverişsiz olması yanğınla mübarizəni çətinləşdirir.

Sonxeber.net xəbər verir ki, Palisades yanğını, Pasifik Palisades bölgəsində genişlənərək daha çox evi məhv edib. Helikopterlər alovların qarşısını almaq üçün su və yanğınsöndürən maddələr tökməyə davam edir.

Bölgədə yaşayan qorxu içindəki sakinlər, yalnız giriş-çıxış üçün istifadə edilən yolları tərk edərək avtomobillərini geridə qoyublar.

Altı fərqli yerdə eyni anda başlayan yanğınlar nəticəsində ən azı 16 nəfərin öldüyü, 13 nəfərin itkin düşdüyü və 12,000-dən çox tikilinin zərər gördüyü və ya tamamilə məhv olduğu bildirilir.

Prezident Co Bayden, federal vəsaitlərin bölgəyə göndərilməsi və yardım əməliyyatlarının vəziyyəti barədə dövlət və yerli rəsmilərlə görüşüb. Yardım səyləri davam edir.