Aktual mövzular: Dollar alış-satışı, Neftin qiyməti, COP29, Hava proqnozu

“Bakı Metropoliteni”ndə departament rəisi vəzifəsindən azad edildi - FOTO

Tarix: 17 Oktyabr 2025 16:32

"Bakı Metropoliteni" QSC-nin Ətraf mühit, sağlamlıq və təhlükəsizlik departamentinin rəisi vəzifəsindən azad edilib.

Sonxeber.net qaynarinfo-ya istinadən xəbər verir ki, QSC-nin sədri Vüsal Aslanovun əmri ilə departamentin rəisi Aqil Allahverdiyev tutduğu vəzifəsindən azad olunub.

QSC-dən bildirilib ki, o, karyera yüksəlişini fərqli istiqamətdə davam etdirmək istəyini bildirərək öz ərizəsi ilə işdən ayrılıb.

Xatırladaq ki, A.Allahverdiyev bu ilin aprel ayında sözügedən vəzifəyə təyin edilmişdi.

Qeyd edək ki, son aylar Vüsal Aslanov tərəfindən "Bakı Metropoliteni" QSC-yə təyin olunan vəzifəli şəxslərin kütləvi şəkildə işdən çıxmaları ilə bağlı məlumatlar yayılır.