Aktual mövzular: Dollar alış-satışı, Neftin qiyməti, COP29, Hava proqnozu

Bakıda orqanik və ekoloji təmiz məhsulun inkişafı perspektivləri müzakirə olunur

Bakıda orqanik və ekoloji təmiz məhsulun inkişafı perspektivləri müzakirə olunur

Tarix: 18 Dekabr 2019 14:24

"Gələcək nəsillərin sağlamlığı azərbaycanlı istehsalçıları ekoloji təmiz, orqanik məhsulların istehsalına ruhlandırmalıdır".

Sonxeber.net Trend-ə istinadən xəbər verir ki, bunu Ekoloji Təmiz Məhsulların İstehsalçıları və İxracatçıları Assosiasiyasının rəhbəri Emin Əliyev "Orqanik məhsulların istehsalı və ixrac potensialı" adlı konfrans zamanı deyib.

O bildirib ki, orqanik məhsul istehsalı adı altında təkcə kənd təsərrüfatı məhsulları deyil, həm də orqanik sənaye məhsulları nəzərdə tutulur:

"Orqanik məhsul təkcə sağlam qida deyil, həm də sağlam mühitdir. Dünya trendində orqanik və ekoloji təmiz geyim istehsalı yer alır, bunun Azərbaycanda da böyük potensialı var. Bizdə orqanik pambıq istehsalı var və onun artırılması üçün imkanlar mövcuddur".

Tədbir çərçivəsində Ekoloji Təmiz Məhsulların İstehsalçıları və İxracatçıları Assosiasiyası, Fındıq İstehsalçıları və İxracatçıları Assosiasiyası, Arıçılar Assosiasiyası, Meyvə və Tərəvəz İstehsalçıları və İxracatçıları Assosiasiyası və Çay İstehsalçıları və İxracatçıları Assosiasiyası arasında əməkdaşlıq memorandumu imzalanıb.


Etiketlər:  Bakıda orqanik ekoloji təmiz məhsulun inkişafı perspektivləri müzakirə olunur


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ