Ozobiç ilk çempionluğundan danışdı

Tarix: 12 May 2019 00:40

“Qarabağ”ın xorvatiyalı yarımmüdafiəçisi Filip Ozobiç Azərbaycan Premyer Liqasında mövsümün sonuncu - 28-ci turunda  “Neftçi”yə 3:2 hesabı ilə qalib gəldikləri oyundan sonra jurnalistlərin suallarını cavablandırıb.

- İlk çempionluğunuzu qazandınız, təəssüratlarınız necədir?

- Şadam ki, çempion olduq. Maraqlı mövsüm keçirdik, hər şey əla idi.

- Xüsusilə də mövsümün ikinci yarısında “Qarabağ” çox yaxşı çıxış etdi və 8 oyunda ardıcıl qələbə qazandı.Bunun əsas səbəbi nə idi?

- Yaxşı hazırlaşdıq, yaxşı oynadıq. Öz çıxışlarımız haqqında düşünürdük və rəqibin oyunu ilə maraqlanmırdıq. Yekunda istəyimizə çatdıq.

- “Qarabağ”la daha bir il müqaviləniz var. Sizi yeni mövsümdə də burda görəcəyik?

- Müqaviləm davam edir, özümü burda yaxşı hiss edirəm. Məqsədim yaxşı istirahət edib, sonra da yeni mövsümə hazırlaşmaqdır.

- Çempionlar Liqasından nə gözləyirsiniz?

- Onu gələcək göstərəcək. Bütün komanda olaraq dincəlib, ardınca təlim-məşq toplanışında gələcək oyunlara hazırlaşacağıq.

- Nə vaxt hiss etdiniz ki, “Qarabağ” çempion olacaq?

- “Neftçi” – “Sumqayıt” oyunundan sonra artıq hər şey bizim xeyrimizə inkişaf etməyə başladı.