Aktual mövzular: Dollar alış-satışı, Neftin qiyməti, COP29, Hava proqnozu

''Digər təkliflərdən danışmağın mənası yoxdur'' - Prosineçki

Tarix: 2 Yanvar 2020 12:44

"Vəziyyət ideal deyil, sonuncuyuq. Bura "Kayserispor"u liqada saxlamaq üçün gəlmişəm".

Sonxeber.net qol.az-a istinadən xəbər verir ki, bu sözləri "Kayserispor"un yeni baş məşqçisi Robert Prosineçki Türkiyə klubuna təyinatı haqda danışarkən deyib.

Xorvatiyalı mütəxəssis ölkəsinin mətbuatına müsahibəsində Superliqanın sonuncu pilləsində olan Kayseri təmsilçisi ilə yaya qədər işləmək üçün razılığa gəldiyini bildirib: "Daha sonra nələr olacağını görəcəyik. Bu, özümüzü vəziyyətdən necə qurtaracağımızla bağlıdır".

Azərbaycan millisinə qayıdacağı deyilən 50 yaşlı çalışdırıcı digər təklifləri haqda danışmaq istəmədiyini qeyd edib: "İndi digər təkliflərdən danışmağın mənası yoxdur. Çünki "Kayserispor"u seçmişəm. Bundan sonra komandanı Superliqada saxlamağı düşünəcəyik. Komanda əvvəlki illərlə müqayisədə liderlik səviyyəsindən uzaqdır. İndi heyət daha zəifdir, amma dəyişiklik edilməsi üçün danışımışıq. Dərhal hərkətə keçməli, bizi gücləndirəcək və çempionatda saxlayacaq oyunçuları almağa çalışmalıyıq".

Whatsapp ilə göndər