Aktual mövzular: Dollar alış-satışı, Məzənnə, Neftin qiyməti

FİFA mükafatını qatarda unutdu

Tarix: 4 Yanvar 2020 20:26

"Lion"un qadın komandasının kapitanı Vendi Renar üçün 2020-ci il yaxşı başlamayıb.

Qol.az-ın xarici KİV-lərə istinadən yaydığı xəbərə görə, qadın futbolunun aparıcı üzvlərindən biri Parisdən Liona getmək üçün istifadə etdiyi qatarda iki mükafatının olduğu çamadanını unudub. Çamadanını götürmədiyini evinə çatanda bilən Renar daha sonra dəmiryolu stansiyasına geri qayıdıb. Ancaq onun mühafizəçilər tərəfindən tapılan çamadanında mükafatlar olmayıb.

Fransalı müdafiəçi sosial şəbəkə vasitəsi ilə mükafatlarının ona geri qaytarılması bağlı müraciət edib.

Qeyd edək ki, V.Renar FİFA tərəfindən 2019-cı ilin rəmzi komandasına daxil olub. Ona bu münasibətlə verilən mükafatın da oğurlandığı bildirilir.

Bizi Feysbukda da izləyin!

Whatsapp ilə göndər