Məzahir Pənahov: Deputatlığa namizədlər əmlakları barədə özləri məlumat verməlidir

Tarix: 7 Yanvar 2020 16:34

Bakı. Elçin Mehdiyev - Trend:

Biz çalışırıq ki, bütün məsələləri namizədin xeyrinə həll edək.

Trend-in məlumatına görə, bunu Mərkəzi Seçki Komissiyasının (MSK) sədri Məzahir Pənahov komissiyanın bu gün keçirilən iclasında deyib.

M.Pənahov bildirib ki, bəzi məsələlər var ki, buna məhz namizəd məsuliyyət daşıyır: “Deputatlığa namizədliyini irəli sürmüş Azərbaycan vətəndaşları öz əmlakı barədə məlumat verməlidir, əmlakını gizlətməməlidir”.

M.Pənahov deyib ki, əmlak və gəlirlərin açıqlanması Seçki Məcəlləsinin tələbidir: “Dairə seçki komissiyalarının namizədliyini irəli sürmüş şəxsə bu barədə məlumat vermək öhdəliyi yoxdur. Namzədliyini irəli sürmüş şəxslər bu barədə özləri məlumat verməlidirlər”.

Trend-in ən mühüm və maraqlı xəbərlərini "Telegram"da izləyin