Aktual mövzular: Dollar alış-satışı, Neftin qiyməti, COP29, Hava proqnozu

KOBİA 150-dən çox sahibkarın sərgilərdə iştirakına dəstək göstərib

KOBİA 150-dən çox sahibkarın sərgilərdə iştirakına dəstək göstərib

Tarix: 14 Yanvar 2020 10:44

Bakı. Trend:

Azərbaycan Respublikasının Kiçik və Orta Biznesin İnkişafı Agentliyinin (KOBİA) əsas fəaliyyət istiqamətlərindən biri də startap, mikro, kiçik və orta sahibkarlıq subyektlərinin yerli və xarici bazarlara çıxışına dəstək göstərməkdir.

KOBİA-dan Trend-ə verilən məlumata görə, 2019-cu ildə Agentliyin dəstəyi ilə 150-dən çox KOB subyekti 15 ixtisaslaşmış sərgi və yarmarkada ödənişsiz olaraq iştirak edib. Bu dəstək çərçivəsində sahibkarlar öz məhsul və xidmətlərini geniş auditoriyaya təqdim edib, satış imkanlarını genişləndirib, yeni biznes əlaqələri qurublar.

Sərgi və yarmarkaların təşkilində KOBİA Almaniya Beynəlxalq Əməkdaşlıq Cəmiyyəti (GİZ), biznes tərəfdaşlığı platforması çərçivəsində BP, “AzerTelecom”, “ZiraatBank”, “Paşa Holdinq” kimi şirkətlərlə əməkdaşlıq edib. Belə sərgi və yarmarkalarda startapların, qadınların, əlilliyi olan şəxslərin iştirakına xüsusi diqqət göstərilib.

2020-ci ildə də KOBİA ölkəmizdə və xaricdə keçirilən sərgi və yarmarkalarda KOB-ların iştirakına dəstəyini davam etdirəcəkdir.

Trend-in ən mühüm və maraqlı xəbərlərini "Telegram"da izləyin


Etiketlər:  KOBİA dən çox sahibkarın sərgilərdə iştirakına dəstək göstərib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ