Aktual mövzular: Dollar alış-satışı, Neftin qiyməti, COP29, Hava proqnozu

''Mançester Yunayted''in Qətər toplanışı ləğv edildi

Tarix: 15 Yanvar 2020 13:22

"Mançester Yunayted"in Qətərdə planlaşdırılan təlim-məşq toplanışı ləğv edilib.

Qol.az Britaniya mətbuatına istinadən xəbər verir ki, bu barədə klubun baş məşqçisi Ole-Qunnar Sulşer məlumat verib. O, yaxın şərqdəki vəziyyətin gərginləşməsi səbəbindən bu addımı atdıqlarını söyləyib:

"Futboldan çox məni həyəcanlandıran başqa şeylər var. Yaxın şərqdə toplanmağı düşünürdük, amma bu, indi dəqiq ləğv edilir. Oyunçulara bir neçə gün tətil verəcəyəm. Onların hara gedəcəyini bilmirəm, amma mütləq Avropada qalacağıq".

"Çelsi" İngiltərə Premyer Liqasında fevralın 1-i "Volverhempton"la oyundan 16 gün sonra növbəti matçını keçirəcək.

Xatırladaq ki, yanvarın 3-də ABŞ-ın aviazərbəsi nəticəsində iranlı general Qasım Süleymani öldürülüb.

Qeyd edək ki, bundan əvvəl ABŞ millisi Qətərdəki təlim-məşq toplanışından imtina etmişdi.

Whatsapp ilə göndər