Aktual mövzular: Dollar alış-satışı, Neftin qiyməti, COP29, Hava proqnozu

Misir məhkəməsi Qahirə Universitetində niqabı qadağan edib

Misir məhkəməsi Qahirə Universitetində niqabı qadağan edib

Tarix: 29 Yanvar 2020 21:18

Misir məhkəməsi Qahirə Universitetində qadın müəllim heyəti arasında niqabı qadağan edən qərar çıxarıb. Sonxeber.net AZƏRTAC-a istinadən bildirir ki, bu barədə misirli vəkil Əhməd Məhran məlumat verib.

Qeyd olunub ki, Qahirənin İnzibati Hüquq Məhkəməsi Qahirə Universitetinin niqab geyinən 80 müəllim və əməkdaşının apellyasiya şikayətini təmin etməyib. Həmin əməkdaşlar universitet kampuslarında niqabın qadağan edilməsi barədə bundan əvvəlki məhkəmə instansiyasının qərarına etiraz etmişdilər.

Vəkil jurnalistlərə müsahibəsində bildirib ki, məhkəmənin son qərarı qətidir və ondan şikayət verilə bilməz. O qeyd edib ki, Misirdə qadınların əksəriyyəti saçlarını örtmək üçün hicabdan istifadə edirlər, lakin niqab adətən ifrat mühafizəkar qadınlar tərəfindən geyilir.

Qahirə Universiteti Misirin ən qocaman ali təhsil müəssisəsidir. Onun rektoru Məhəmməd Osman Elxoşt yerli mətbuata müsahibəsində bildirib ki, universitet rəhbərliyi məhkəmənin qərarına hörmətlə yanaşır.


Etiketlər:  Misir məhkəməsi Qahirə Universitetində niqabı qadağan edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ