Aktual mövzular: Dollar alış-satışı, Neftin qiyməti, COP29, Hava proqnozu

AMEA-dakı veteran alimlərin sayı açıqlandı

AMEA-dakı veteran alimlərin sayı açıqlandı

Tarix: 25 Fevral 2020 23:04

Hazırda Azərbaycan Milli Elmlər Akademiyasında 2447 veteran çalışır.

Sonxeber.net Trend-ə istinadən bildirir ki, bunu AMEA-nın Birləşmiş Veteranlar Şurasının (BVŞ) sədri Eldar Quliyev deyib.

E.Quliyev 2013-2019-cu illər ərzində 802 veterana "Əmək veteranı" adı və vəsiqəsinin verildiyini söyləyib.

O qeyd edib ki, sözügedən veteranlardan 23-ü akademik, 23-ü AMEA-nın müxbir üzvü, 262-si elmlər, 517 nəfəri isə fəlsəfə doktorudur.

E.Quliyev, həmçinin 1 nəfərin Böyük Vətən Müharibəsi, 16 nəfərin Əfqanıstan, 91 nəfərin isə Qarabağ müharibəsi veteranı olduğunu söyləyib.

Şura sədri elmi müəssisə və təşkilatlarda işləyən veteranların sosial təminatının yaxşılaşdırılması istiqamətində əməli işlərin görüldüyünü, veteranlara birdəfəlik müavinətlərin, yeməkxanada güzəştli nahardan istifadə kartlarının, müalicə və istirahət üçün isə sanatoriyalara göndərişlərin verildiyini diqqətə çatdırıb.

Cari ilin may ayında Böyük Vətən Müharibəsində qələbənin 75 illiyinin qeyd olunacağını deyən şura sədri bununla əlaqədar AMEA-da Tədbirlər Planının hazırlandığını bildirib.


Etiketlər:  AMEA dakı veteran alimlərin sayı açıqlandı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ