Konstitusiya Məhkəməsi seçkilərin yekun nəticələrini təsdiq etdi - YENİLƏNİB - FOTO

Tarix: 5 Mart 2020 12:36

12:18

Bu gün Konstitusiya Məhkəməsi fevralın 9-da Milli Məclisə keçirilən seçkilərlə əlaqədar Mərkəzi Seçki Komissiyasının təqdim etdiyi sənədlərin yoxlanılması və seçkilərin yekunlarının təsdiqi ilə əlaqədar xüsusi konstitusiya icraatı üzrə məhkəmə iclası keçirib.

Sonxeber.net Trend-ə istinadən xəbər verir ki, Konstitusiya Məhkəməsinin iclasında seçkilərin yekun nəticələri təsdiq edilib.

--------

11:03

2020-ci il fevralın 9-da Milli Məclisə keçirilən seçkilərlə əlaqədar Mərkəzi Seçki Komissiyasının Konstitusiya Məhkəməsinə təqdim etdiyi sənədlərin yoxlanılması və seçkilərin yekunlarının təsdiqi ilə əlaqədar xüsusi konstitusiya icraatı üzrə Konstitusiya Məhkəməsi Plenumunun iclası keçirilir.

Konstitusiya Məhkəməsinin sədri Fərhad Abdullayev iclasda keçirilən dinləmələrdən sonra bildirib ki, Məhkəmənin hakimləri Milli Məclisə seçkilərlə bağlı sənədləri araşdırıb qərar qəbul etmək üçün müşavirə otağına getməlidir.

Beləliklə, iclasda fasilə elan edilib və hakimlər Milli Məclisə seçkilərlə bağlı sənədləri araşdırıb və qərar qəbul etmək üçün müşavirə otağına gediblər.

--------

10:51

2020-ci il fevralın 9-da Milli Məclisə keçirilən seçkilərlə əlaqədar Mərkəzi Seçki Komissiyasının Konstitusiya Məhkəməsinə təqdim etdiyi sənədlərin yoxlanılması və seçkilərin yekunlarının təsdiqi ilə əlaqədar xüsusi konstitusiya icraatı üzrə Konstitusiya Məhkəməsi Plenumunun iclası keçirilir.

Sonxeber.net Trend-ə istinadən xəbər verir ki, Konstitusiya Məhkəməsinin sədri Fərhad Abdullayev iclası açıq elan edib. Məhkəmə heyəti və katibi təqdim edildikdən sonra iclasda məruzəçi hakimin seçkilərin vaxtının təyin edilməsi, keçirilməsi və yekunları barədə məlumatı dinlənilir.

İclasda məruzəçi hakim Rövşən İsmayılov Milli Məclisə seçkilərin vaxtının təyin edilməsi, keçirilməsi və yekunları barədə məlumat verib.

Daha sonra çıxış edən hakim Rəfael Qvaladze bildirib ki, seçkilərlə bağlı Respublika Prokurorluğuna 67 müraciət daxil olub və müraciətlər baxılması üçün Mərkəzi Seçki Komissiyasına göndərilib. O bildirib ki, müraciətlər seçkilərin ümumi nəticələrinə təsir göstərməyib.

R.Qvaladze əlavə edib ki, Milli Məclisə seçkilərlə əlaqədar Bakı Apelyasiya Məhkəməsinə seçkilərlə bağlı 72 şikayət ərizəsi daxil olub:

"Bakı Apelyasiya Məhkəməsinə daxil olan ərizələrdən 13 iş aidiyyəti üzrə müvafiq məhkəmələrə göndərilib, 16 iş üzrə iddia mümkün sayılmayıb, 41 iş üzrə iddia əsassız olduğu üçün təmin edilməyib. Sumqayıt Apelyasiya Məhkəməsinin məlumatına görə, həmin məhkəmədə Mərkəzi Seçki komissiyasının qərarı ilə bağlı 20 işə baxılıb. 12 iş üzrə iddia təmin edilməyib, Gəncə Apelyasiya Məhkəməsində Mərkəzi Seçki Komissiyasının qərarları ilə bağlı 18 inzibati işə baxılıb. Onlardan 15 iş üzrə iddia təmin edilməyib, 3 iş isə aidiyyəti üzrə göndərilib. Şirvan Apelyasiya Məhkəməsinə 24 ərizə daxil olub. 16 ərizə təmin edilməyib, 4 ərizə mümkün sayılmayıb, 1 ərizə aidiyyəti üzrə göndərilib. Şəki Apelyasiya Məhkəməsinin məlumatına görə, həmin məhkəmədə MSK-nın qərarı ilə bağlı 18 ərizəyə baxılıb. 15 iş üzrə ərizələr təmin edilməyib, 3 iş üzrə isə ərizələr mümkün sayılmayıb. Naxçıvan Ali Məclisinin məlumatına görə, MSK-nın qərarından məhkəməyə 1 ərizə daxil olub və iddia təmin edilməyib. Ali Məhkəmənin məlumatına görə, həmin məhkəmə tərəfindən 78 işə baxılıb. Onlardan 64 iş üzrə Apelyasiya Məhkəmələrinin qərarları dəyişdirilmədən saxlanılıb. 3 iş üzrə məhkəmə qərarları ləğv edilib, 9 iş üzrə isə şikayət mümkün sayılmayıb".

İclasın yekununda Milli Məclisə keçirilən seçkilərin nəticələrini təsdiq ediləcək.

Qeyd edək ki, fevralın 25-də Mərkəzi Seçki Komissiyası seçkilərin ümumi yekunlarına dair protokolun təsdiq edilməsi üçün əlavə edilmiş sənədlərlə birgə Konstitusiya Məhkəməsinə təqdim edilməsi barədə qərar qəbul edib.

Seçkilərdə dairələr üzrə lider namizədlərin siyahısı ilə bu linkdə tanış ola bilərsiniz: https://www.infocenter.gov.az/archive/millimeclis2020.aspx?i=1

----------

10:27

2020-ci il fevralın 9-da Milli Məclisə keçirilən seçkilərlə əlaqədar Mərkəzi Seçki Komissiyasının Konstitusiya Məhkəməsinə təqdim etdiyi sənədlərin yoxlanılması və seçkilərin yekunlarının təsdiqi ilə əlaqədar xüsusi konstitusiya icraatı üzrə Konstitusiya Məhkəməsi Plenumunun iclası keçirilir.

Sonxeber.net Trend-ə istinadən xəbər verir ki, Konstitusiya Məhkəməsinin sədri Fərhad Abdullayev iclası açıq elan edib. Məhkəmə heyəti və katibi təqdim edildikdən sonra iclasda məruzəçi hakimin seçkilərin vaxtının təyin edilməsi, keçirilməsi və yekunları barədə məlumatı dinlənilir.

İclasda məruzəçi hakim Rövşən İsmayılov Milli Məclisə seçkilərin vaxtının təyin edilməsi, keçirilməsi və yekunları barədə məlumat verib.

Daha sonra çıxış edən hakim Rəfael Qvaladze bildirib ki, seçkilərlə bağlı Respublika Prokurorluğuna 67 müraciət daxil olub və müraciətlər baxılması üçün Mərkəzi Seçki Komissiyasına göndərilib. O bildirib ki, müraciətlər seçkilərin ümumi nəticələrinə təsir göstərməyib.

İclasın yekununda Milli Məclisə keçirilən seçkilərin nəticələrini təsdiq ediləcək.

Qeyd edək ki, fevralın 25-də Mərkəzi Seçki Komissiyası seçkilərin ümumi yekunlarına dair protokolun təsdiq edilməsi üçün əlavə edilmiş sənədlərlə birgə Konstitusiya Məhkəməsinə təqdim edilməsi barədə qərar qəbul edib.

Seçkilərdə dairələr üzrə lider namizədlərin siyahısı ilə bu linkdə tanış ola bilərsiniz: https://www.infocenter.gov.az/archive/millimeclis2020.aspx?i=1

-------

10:13

2020-ci il fevralın 9-da Milli Məclisə keçirilən seçkilərlə əlaqədar Mərkəzi Seçki Komissiyasının Konstitusiya Məhkəməsinə təqdim etdiyi sənədlərin yoxlanılması və seçkilərin yekunlarının təsdiqi ilə əlaqədar xüsusi konstitusiya icraatı üzrə Konstitusiya Məhkəməsi Plenumunun iclası keçirilir.

Sonxeber.net Trend-ə istinadən xəbər verir ki, Konstitusiya Məhkəməsinin sədri Fərhad Abdullayev iclası açıq elan edib. Məhkəmə heyəti və katibi təqdim edildikdən sonra iclasda məruzəçi hakimin seçkilərin vaxtının təyin edilməsi, keçirilməsi və yekunları barədə məlumatı dinlənilir.

İclasın yekununda Milli Məclisə keçirilən seçkilərin nəticələrini təsdiq ediləcək.

Qeyd edək ki, fevralın 25-də Mərkəzi Seçki Komissiyası seçkilərin ümumi yekunlarına dair protokolun təsdiq edilməsi üçün əlavə edilmiş sənədlərlə birgə Konstitusiya Məhkəməsinə təqdim edilməsi barədə qərar qəbul edib.

Seçkilərdə dairələr üzrə lider namizədlərin siyahısı ilə bu linkdə tanış ola bilərsiniz: https://www.infocenter.gov.az/archive/millimeclis2020.aspx?i=1