Aktual mövzular: Dollar alış-satışı, Neftin qiyməti, COP29, Hava proqnozu

Çində koronavirusa görə yaradılan xəstəxanalar vəziyyət yaxşılaşdığı üçün bağlanır

Tarix: 10 Mart 2020 16:26

Çinin Uhan şəhərində sürətlə yayılan koronavirusla bağlı yaradılan xəstəxanalar bağlanır.

Sonxeber.net APA-ya istinadən xəbər verir ki, artıq Çin hökuməti Uhanda koronavirusa qarşı yaradılmış müvəqqəti xəstəxanaları bağlamaq qərarı verib.

Çində virusun yayılması azaldığı üçün bu qərarın verildiyi bildirilir.

Ötən gün ölkədə digər günlərlə nisbətdə cəmi 19 yoluxma halı aşkarlanıb.

Qeyd edək ki, virusun sürətli yayılması səbəbindən Çin tez bir zamanda sərgi və idman salonlarını xəstəxanalara çevirib, eyni zamanda yeni xəstəxanalar tikmək üçün işlər görülüb.

Xatırladaq ki, hazırda dünyada koronavirusa yoluxanların sayı 114569, ölənlərin sayı isə 4028-dir. Çində virusa yoluxanların sayı 80761, ölənlərin sayı isə 3136-dır.

Whatsapp ilə göndər