Aktual mövzular: Dollar alış-satışı, Məzənnə, Neftin qiyməti

Narkotikadan elektronikaya – Pablo Eskobarın qardaşı saxta telefon satır?

Tarix: 14 Mart 2020 23:08

Kolumbiyalı narkobaron Pablo Eskobarın doğma qardaşı müştərilərə 400 dollar qiymətində saxta Galaxy Fold telefonu satıb.

Milli.Az ted.az-a istinadən bildirir ki, bu haqda "Gizmodo" portalı məlumat yayıb.

Amerikalı bloger Marquez Brownley Eskobarın adına reklam edilən smartfonu sifariş edərək, cihazı analiz edib. O, əvvəlcə 350 dollar qiyməti olan telefonu sifariş edib, lakin məhsul ona çatdırılmayıb. Bir müddət sonra isə Marquez 400 dollara olan ikinci telefonu sifarişi edib. Yenə də bağlamanı ona çatdırmayıblar.

Bundan sonra bloger bu hadisəni 3.5 milyon izləyicisi olan Tvitter səhifəsində yazıb.

Paylaşılan postdan sonra şirkət nümayəndələri blogerlə əlaqə yaradaraq, cihazı göndəriblər. Lakin telefon saxta çıxıb.

Göndərilən Samsung Galaxy Fold telefonu qızılı lentə bükülüb və ekranda Pablo Eskobarın şəkli əks olunub.

Milli.Az

Whatsapp ilə göndər