Rusiya, İsrail və ABŞ-ın haker mübahisəsi davam edir

Tarix: 19 Mart 2020 21:52

Ötən ilin noyabr ayından 29 yaşlı Aleksey Burkovun da olduğu təyyarə İsraildən ABŞ-a uçuş həyata keçirdi. Həmin gün Burkov Virciniya ştatında günahlandırıldığı məhkəmə prosesində iştirak edirdi. ABŞ Ədliyyə Nazirliyinin məlumatına görə, Burkov ona qarşı irəli sürülən ittihamların bir qismini etiraf edərək, günahını "boynuna" alıb. Əgər Aleksey ona qarşı sürülən ittihamların hamısını qəbul etsəydi, o zaman 80 il həbs cəzası və 21 milyon dollar cərimə olunacaqdı. Düzdür, Burkova qarşı ittihamların bir qismi geri götürüldü deyə o, sadəcə 15 il həbs cəzası aldı. Məhkəmənin son qərarı bu ilin may ayının 8-də veriləcək.

Bəs Burkov nədə günahlandırılır?

İttihamlara görə, 2009-cu ildən 2013-cü ilədək, yəni 4 il müddətində Aleksey "Cardplanet" adlı haker saytının idarə edib. Bu sayda bank kartlarının məlumatları ələ keçirilib. Bir kartdan əldə edilən məlumatın dəyəri 2,5 dollardan 60 dollar arasında dəyişib. Qiymətin dəyişməsi kart sahibindən və ölkədən asılı olub. Sözügedən sayt 150 min kartın fərdi məlumatını əldə edib. Bütün bu kartlar isə ABŞ vətəndaşına məxsus olub.

"Cardplanet" saytından başqa Burkov hakerlərin elit onlayn klublarını da idarə edib. Bu klublarda kibercinayətkarlar öz xidmətlərini reklam ediblər. İnformasiya mübadiləsi aparıb və "layfhak"ları bölüşüblər. Bu kluba giriş üçün 5 min dollar pul ödəməli imiş.

Burkovun yaxınları onu proqramçı, ABŞ hakimiyyəti isə təhlükəli cinayətkar adlandırır

Aleksey Burkovu adi həyatında nüfuzlu haker kimi təsəvvür etmək çətin olub. Evil Corp üzvlərindən fərqli olaraq, Aleksey şəhərdə bahalı maşınla gəzməyib, hakimiyyətlə əlaqə yaratmayıb. Deyilənə əsasən, o, olduqca qapalı biri olub. Sankt-Peterburqda yaşayan Burkovun ümumiyyətlə maşını olmayıb.

"Onun veb-dizaynla bağlı müxtəlif sifarişləri olub. Aleksey mənə də sayt yığmaqdan kömək edib", - bunu "Russia Today"ə müsahibəsində Burkovun dostu deyib.

Onun sözlərinə görə, o, xaricdən bir neçə telefon, planşet, fotoaparat alaraq, Sankt-Peterburqda satırmış.

"Rusiyalı haker İsraildə ABŞ tərəfinin sorğusu əsasında həbs olunub. Bu zamana qədər isə o, sadə həyat yaşayıb", - deyə Burkovun yaxınları onun həbsinə etiraz edir.

Onun məktəbli dostlarından birinin verdiyi məlumat isə olduqca diqqət çəkir.

Məktəbli dostunun sözlərinə görə, Burkov hələ yeniyetmə yaşında həbs olunub: "Aleksey o zaman da hakerlikdə ittiham olunurdu. Ona ciddi ittiham irəli sürülmüşdü. Amma hansısa xüsusi xidmət orqanları onu əməkdaşlıq müqabilində həbsdən qurtardılar ".

Rusiya Burkovun Naamu İssahara dəyişmək istəyirdi, amma alınmadı...

Sonxeber.net ted.az-a istinadən bildirir ki, Aleksey Burkovun məhkəmə prosesi daha bir səs-küylü ittihamla diqqət çəkdi.

Ötən ilin aprel ayında gənc israilli Naamu İssahar Moskva reysi ilə Hindistandan İsrailə uçuş edib. Amma onu üzrəində 10 qram narkotik maddə taparaq həbs etdilər. Ona 7,5 il həbs cəzası verdilər. İsrail əsilli Naamuyanın məhkəmə prosesi gedərkən, Burkov artıq 4 il idi ki, həbsdə idi. Həmin ərəfələrdə mətbuatda hər iki şəxs haqqında bir neçə material yayımlandı. İsrail tərəfi mövcud durumu şərh edərək, Burkovu Rusiya üçün "birinci dərəcəli şəxs" adlandırdı.

"The Wall Street Journal" məlumatına görə, bu iki şəxsin dəyişdirilməsinə dair danışıqların getdiyi haqqında informasiya da yayımlandı, amma gerçəkləşmədi.

İsrail əsilli kompüter təhlükəsizliyi üzrə ekspert İlya Şathin bildirib ki, Burkov əslində özünü təqdim edən şəxs deyil: "O, Oday ləqəbi ilə hərəkət edərək, olduqca nüfuzlu hakerdir. Onun hakerlər arasında beynəlxalq nüfuzu var. O, dünyanın ən yaxşı proqramçılarından biridir".

Qeyd edək ki, Burkovun işini dövlətlərarası məsələ şəklində şərh edənlər də az deyil.

Rusiya Burkov üçün mübarizə aparmalıdırmı?

"Sözsüz ki, İsrailin Naami İssahar üçün apardığı mübarizəni Rusiya da Burkov üçün aparmalıdır. Proqramçı hər nədə ittiham olunsa da o, Rusiya Federasiyasının vətəndaşıdır", - deyə rusiyalılar hadisəyə dair münasibətlərini bildiriblər.