Aktual mövzular: Dollar alış-satışı, Neftin qiyməti, COP29, Hava proqnozu

Smartfonun köməyilə sifətin 3D modelinin yaradılması üçün texnologiya təqdim olunub

Tarix: 3 Aprel 2020 15:45

Karneqi-Mellon Universitetinin mütəxəssisləri smartfonun köməyilə sifətin 3D modelinin yaradılması üçün texnologiya hazırlayıblar. Adətən bunun üçün çoxlu kameraya malik xüsusi avadanlıqdan istifadə olunur.

"ICTnews" Elektron Xəbər Xidməti "ferra.ru" saytına istinadən yazır ki, yeni texnologiyanın köməyilə insanın sifətinin 3D modelini yaratmaq üçün onu hər bir tərəfdən videoya çəkmək lazımdır. Bu proses 15-20 saniyə vaxt alır.

Bundan sonra alqoritmlər öz işini görür. Onlar insanın sifətini fondan ayıraraq ikiölçülü təsviri üçölçülüyə çevirirlər. Bütün bu prosesə 30-40 dəqiqə vaxt tələb olunur.

Artıq sistem "iPhone X" smartfonunda sınaqdan keçirilib.

Emil Hüseynov

Whatsapp ilə göndər