#EVDƏQAL – Lazımsız əşyalardan sənət yarat

Tarix: 11 Aprel 2020 19:48

Karantin günlərində evdə qalanların əksəriyyəti eynilikdən, yeniliyin olmamasından gileylənirlər.

Sonxeber.net ted.az-a istinadən sizə sadə elementlərdən yeni əşyalar hazırlamağı öyrədəcək tətbiqləri təqdim edir:

- DIY İdeas tətbiqində yaradıcı insanlar əsl axtardıqlarını tapa biləcəklər. Proqramı yüklədikdən sonra elektron poçt, ad, soyad, istifadəçi adı və parol daxil edərək qeydiyyatdan keçmək tələb olunur. Qeydiyyatdan dərhal sonra yeni səhifə açılır. Səhifədə paylaşımlar, çat, və bildirişlər bölməsi görünür. Paylaşımlar hissəsində bir neçə kateqoriya mövcuddur. Məsələn, yaradıcı incəsənət, ev dekoru, qida və yemək servizi, dəb, bağ, gözəllik, qulluq və digərləri... İstədiyiniz kateqoriyanı seçərək o istiqamətdə yaradıcı işlərlə tanış ola bilərsiz. Məsələn, bağ bölməsində kiçik və asan əşyalar vasitəsilə dibçəklərin, bağbanlıq alətlərinin hazırlanması barədə foto, video və yazılı izahlar mövcuddur.

- Pinterest proqramı da eyni məqsədə xidmət edir. Son günlər istifadəçi sayının çoxluğu tətbiqin fəaliyyətində ləngimələrə səbəb olsa da, hazırda problem aradan qaldırılıb və onu Play Store-dan yükləmək mümkündür. Proqram, əsasən, qadınlar üçün keçərlidir. Burada kiçik ev əşyalarının hazırlanmasından tutmuş, saç düzümü, makiyaj ideyalarına qədər mövcuddur.

- Creative İdeas-DİY&Crafts tətbiqi istifadəçilər tərəfindən 500 min dəfə yüklənib. Proqram daha zəngin kateqoriyaların, daha çox ideyanın olması ilə fərqlənir.

- 4000DIY İdeas tətbiqi də eyni sayda yüklənib. Tətbiqdə lazımsız əşyalardan hazırlanmış 4000 aksesuarın ideyası yerləşdirilib. Mobil cihazın yaddaşında cəmi 2Mb yer tutur.

- DIY Videosu central - Do it yourself tətbiqində hazırlaya biləcəyiniz əşyaların video izahı yer alır. 5 mindən çox istifadəçisi var. Videolar ingilis dilindədir.