Aktual mövzular: Dollar alış-satışı, Neftin qiyməti, COP29, Hava proqnozu

''Əlbəttə, Messi bir nömrədir'' - Ronaldo

Tarix: 31 May 2019 21:56

“Messi əlbəttə ki, bir nömrədir. Ona bənzər oyunçu görmək üçün yəqin ki, 20-30 il gözləmələyik”.

Qol.az xəbər verir ki, bu sözləri Braziliya millisinin sabiq üzvü Ronaldo Luis Nazario “AS”a açıqlamasında deyib.

Veteran hücumçu Mbappenin ona bənzədilməsinə də münasibət bildirib: "Hazard, Salah və Neymarın oyununu da bəyənirəm. Onların çıxışını izləyirəm. Əlbəttə ki, Mbappeni də. Onu mənə bənzədirlər? Bir çox futbolçunu mənə oxşadırlar. Hansı ki, sürətli, texnikalı, hər iki ayağı ilə oynaya bilirlər. Bəli oyunumuz oxşaya bilər. Ancaq heç vaxt bir nəsil futbolçuları digəri ilə müqayisə etməyi sevməmişəm”.

Qeyd edək ki, “Barselona”, “Real”, “İnter”, “Milan” kimi klublarda çıxış etmiş Ronaldo Braziliya millisində 98 oyuna 62 qol vurub.