Aktual mövzular: Dollar alış-satışı, Neftin qiyməti, COP29, Hava proqnozu

Bakıda hoteldə gecələyən şəxs pəncərədən qaçdı (FOTO)

Tarix: 15 Aprel 2020 10:48

Bakı. Ceyhun Ələkbərov - Trend:

Bakıda oğurluq hadisəsi baş verib. Hadisə ötən axşam saat 21:00 radələrində Səbail rayonu ərazisində yerləşən "Sahil Inn" hotelində qeydə alınıb.

Oğurluq hadisəsi hoteldə gecələyən şəxs tərəfindən törədilib.

Zərərçəkmiş şəxsin Trend-ə verdiyi məlumata görə, hoteldə gecələmək üçün qeydiyyatdan keçən Ərəbov Zaur adlı şəxs, binanın arxa həyətinə baxan pəncərədən qaçıb və özü ilə televizor aparıb:

"Həmin şəxs hoteldə xanımla qalırdı. Hadisə baş verən axşam qadın qulağında telefon, guya danışırmış kimi hoteldən çıxaraq uzaqlaşıb. Z.Ərəbov isə 21:00 radələrində hotelin pəncərəsindən tullanaraq qaçıb. Hadisə barədə polisə müraciət etdik. Sözügedən şəxsin əsl adının Novruzov Atilay olduğu məlum oldu. Hazırda faktla bağlı araşdırma aparılır".