Xəyyamla Zamiq arasında ''birinci oxumaq'' davası

Tarix: 4 May 2020 16:55

"Aylarla yatmırsan, layihə edirsən. Gəlir bir müğənni başlayır ki, bunu belə istəmirəm, başqa cür edin. İstəyirəm deyim ki, istəmirsən get toyunu oxu".

Sonxeber.net Axşam.az-a istinadən xəbər verir ki, AzTV-nin bədii rəhbəri, teleaparıcı Ranar Musayev "MTV Azərbaycan"da yayımlanan "Söhbətsiz" verilişində qonaq olarkən deyib. O, müğənnilərin kaprizlərindən söz açıb:

"Konsertə rejissorluq edəndə, dəvət edilən müğənnilərin ən yaxşı mahnılarını seçirəm. Kaprizlər bütün müğənnilərdə var. Tünzalə Ağayeva harasa dəvət ediləndə hər şeyə diqtə etməyə çalışır. Başa salırsan ki, siz müğənnisiz, buranın rejissoru var. Bunu artıq belə qurub. Diqtə ediləndə çalışa bilmirəm. Onu da qınamıram. İllərdir gedir tədbirə, rejissor yox. Olanda da ssenari qura bilmir".

Ranar müğənnilər Xəyyam Nisanovla Zamiq Hüseynov arasında yaşanan mübahsədən də bəhs edib:

"Xəyyamla Zamiq arasında birinci oxumaq davası olub. Problem yaşanıb ki, birinci mən oxumalıyam. Deyirəm ki, proqram hazırdır. Toyda proqram hazırlamıram, saniyədə dəyişim. Konsertdə proqram əvvəlcdən qurulur, işığın yanma saniyəsinə qədər qeyd edilir. Sonra mənə başa saldılar ki, Zamiq oxuyanda Xəyyam səhnə arxasında durub baxmasın deyə edirmiş".