Aktual mövzular: Dollar alış-satışı, Neftin qiyməti, COP29, Hava proqnozu

Əlyazmalar İnstitutu 325 əlyazma kitabını rəqəmsallaşdırıb

Əlyazmalar İnstitutu 325 əlyazma kitabını rəqəmsallaşdırıb

Tarix: 14 May 2020 14:39

Bakı. İlhamə İsabalayeva - Trend:

AMEA-nın Məhəmməd Füzuli adına Əlyazmalar İnstitutunun Elektron resurslar şöbəsi tərəfindən 325 türkdilli, ərəbdilli və farsdilli əlyazma kitabı rəqəmsallaşdırılaraq elektron kitabxananın bazasına daxil edilib.

İnstitutdan Trend-ə verilən məlumata görə, elektronlaşdırılmış əlyazmalar mühafizə məqsədilə ehtiyat xarici yaddaş qurğularına köçürülüb:

"Hazırda əlyazmaların elektron kitabxanasının bazasında 4600-dən çox kitab abidəsi saxlanılır. Bunlardan elmi müəssisənin tədqiqat aparan alim və mütəxəssisləri istifadə edə bilərlər".

İnstitutdan qeyd edilib ki, əlyazmaların elektron kataloqunun yaradılması prosesi də davam etdirilir. Artıq “Turkdilli əlyazmalar”ın elektron kataloquna 1800 kitab abidəsi daxil edilib. İnstitutun fondlarında mühafizə olunan “Miniatürlü əlyazmalar”ın elektron kataloqunun bazası yaradılıb, 67 əlyazma kataloqa salınıb. Hazırda 11 mindən çox yazı təşkil edən əlyazma abidələrinin və əski çap kitablarının elektron kataloqunun oxuculuq keyfiyyətini artırmaq məqsədilə 800 yazı redaktə olunub.


Etiketlər:  Əlyazmalar İnstitutu əlyazma kitabını rəqəmsallaşdırıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ