Aktual mövzular: Dollar alış-satışı, Neftin qiyməti, COP29, Hava proqnozu

Ucuz smartfonlar üçün yeni “Snapdragon 6-Series” çipi “5G” dəstəyini təmin edəcək

Ucuz smartfonlar üçün yeni “Snapdragon 6-Series” çipi “5G” dəstəyini təmin edəcək

Tarix: 23 May 2020 11:15

İnternet mənbələrində ucuz smartfonlar üçün beşinci nəsil mobil rabitə şəbəkəsini (5G) dəstəkləyən yeni "Qualcomm" mobil prosessoru haqqında informasiya dərc edilib.

 

"ICTnews" Elektron Xəbər Xidməti "3DNews" resursuna istinadən yazır ki, söhbət "sm6350" adı ilə göstərilən və əsasən ucuz qurğular üçün nəzərdə tutulan "Snapdragon 6-Series" çipindən gedir.

 

Məlumata görə, prosessorun konfiqurasiyasında səkkiz hesablayıcı nüvənin mövcudluğu nəzərdə tutulub. Bu, 2,25 QHs takt tezlikli iki məhsuldar nüvə və 1,80 QHs takt tezlikli altı enerji effektivliyi sinfinə malik nüvədir.

 

Qrafik altsistemin tərkibinə maksimal 850 MHs tezliyində işləyən "Adreno 615" sürətləndiricisi daxil olacaq.

 

Bildirilir ki, prosessorun rəsmi təqdimatının bu rüb ərzində keçirilməsi planlaşdırılır. Beləliklə, yeni platformalı ilk "5G" smartfonları ilin sonunda işıq üzü görə bilər.

 

"Strategy Analytics" analitik şirkətinin qiymətləndirməsinə görə, cari ilin birinci rübündə dünyada satılan "5G" smartfonlarının sayı 24,1 milyon təşkil edib. Bu, tədarük həcminin 18,7 ədədə bərabər olduğu 2019-cu ilin bütün satış həcmindən çoxdur.

 

Nizam Nuriyev




Etiketlər:  Ucuz smartfonlar üçün yeni Snapdragon Series çipi dəstəyini təmin edəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ