Aktual mövzular: Dollar alış-satışı, Məzənnə, Neftin qiyməti

Asəf Zeynallının məzarı baxımsız vəziyyətdə - FOTO

Asəf Zeynallının məzarı baxımsız vəziyyətdə - FOTO

Tarix: 2 Iyun 2020 09:57

Dirijor Mustafa Mehmandarov "Facebook"da dahi bəstəkar Asəf Zeynallının məzarının baxımsız vəziyyətdə olmasını göstərən foto yayıb.

Milli.Az axşam.az-a istinadən bildirir ki, dirijor A.Zeynallının məzarının "Qurd qapısı" qəbiristanlığında olduğunu qeyd edib:

"Heç inanmazdım ki, 23 yaşında dünyasını dəyişən, yaşayıb-yaratdığı o qısa zamanda milli musiqi tariximizə bir neçə gözəl və təkrarolunmaz əsərlər bəxş edib, bir neçə ilklərə imza atan görkəmli bəstəkarımız Asəf Zeynallının qəbri bu halda olsun. Hələ bu azmış kimi, Musiqi kollecindən də adı götürülüb. Söz tapmaq olmur. Hamımızın günahı var! Nə yad etmişik, nə də ki diqqət".

Qeyd edək ki, Asəf Zeynallı bir neçə Azərbaycan xalq mahnılarını nota alıb. Onun Cəfər Cabbarlının sözlərinə bəstələdiyi "Ölkəm" romansı ən məşhur əsəri hesab olunur. Qarın yatalağına tutulan bəstəkar 1932-ci ildə, 23 yaşında vəfat edib.

Milli.Az


Etiketlər:  Asəf Zeynallının məzarı baxımsız vəziyyətdə FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ