Aktual mövzular: Dollar alış-satışı, Məzənnə, Neftin qiyməti

"Twitter" Rusiya, Çin və Türkiyə ilə əlaqəli olduğu iddia edilən 32 mindən çox hesabı bağlayıb

Tarix: 12 Iyun 2020 04:16

Bakı. Trend:

"Twitter" administrasiyası Rusiya, Çin və Türkiyədən olan istifadəçilərlə əlaqəli olduğu iddia edilən 32 mindən çox hesabı bağlayıb.

Trend-in "TASS"a istinadən verdiyi məlumata görə, bu barədə sosial şəbəkənin saytında yerləşdirilən bəyanatda deyilir.

Məlumata əsasən, 32 242 hesab bağlanıb, bu hesablar adından paylaşılan materiallar sosial şəbəkədən silinib. "Twitter"in nümayəndələri iddia edir ki, bağlanan bütün hesablar adıçəkilən ölkələrin səlahiyyətliləri ilə əlaqəli olub və "informasiya əməliyyatlarında" iştirak ediblər. Qeyd edilir ki, bu, sosial şəbəkənin qaydalarına ziddir.

Bildirilir ki, bağlanan 23 750 hesab Çindən olan istifadəçilərlə, 7 340 hesab Türkiyədən olan istifadəçilərlə, 1 152 hesab isə Rusiyadan olan istifadəçilərlə əlaqəli olub. Sosial şəbəkənin administrasiyası iddia edir ki, hesablar guya bu ölkələrin hakimiyyətləri üçün faydalı olan materialların yayılması üçün istifadə edilib.


Etiketlər:  Twitter Rusiya Çin və Türkiyə ilə əlaqəli olduğu iddia edilən 32 mindən çox hesabı bağlayıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ