Aktual mövzular: Dollar alış-satışı, Neftin qiyməti, COP29, Hava proqnozu

“Nubia” şirkəti “Red Magic 5G Transparent Edition” adlı şəffaf smartfonunu təqdim edəcək

Tarix: 13 Iyun 2020 08:44

Çinin "Nubia" brendi "Red Magic 5G Transparent Edition" adlı şəffaf smartfonunu təqdim edəcək. Korpusun arxa panelindən qurğunun bütün komponentləri görünəcək. Bu haqda şirkətin saytında məlumat verilib.

Sonxeber.net ictnews.az-a istinadən bildirir ki, "Red Magic 5G Transparent Edition" smartfonu unikal dizayndan başqa 144 hers yeniləmə tezlikli "Full HD+" (2340×1080 nöqtə) təsvir ölçülü 6,65 düymlük ekranla təchiz ediləcək. Smartfonda quraşdırılmış "Snapdragon 865" prosessoru beşinci nəsil mobil şəbəkələrinə qoşulmaq üçün "5G" modemə malikdir.

Məhsuldar smartfon 16 QB-lıq "LPDDR5 RAM" əməli yaddaşına malikdir. Standart versiyalar 8 və 12 QB-lıq əməli yaddaşla təchiz edilir. Bundan başqa, "Nubia" şirkəti 64 meqapiksellik "Sony IMX686" sensoru, həmçinin 8 və 2 meqapiksellik üçqat arxa kamera nəzərdə tutub. Ön kamera 12 meqapiksellik təsvir ölçüsünə malikdir.

14 iyunda satışa çıxarılacaq smartfonun qiyməti 735 dollar təşkil edəcək.

Whatsapp ilə göndər