Aktual mövzular: Dollar alış-satışı, Məzənnə, Neftin qiyməti

5000 milliamper/saat tutumlu akkumulyator və kvadrokamera ilə təchiz edilmiş “Poco M2 Pro” smartfonu təqdim edilib

5000 milliamper/saat tutumlu akkumulyator və kvadrokamera ilə təchiz edilmiş “Poco M2 Pro” smartfonu təqdim edilib

Tarix: 8 Iyul 2020 09:27

“Poco” brendi “M2 Pro” adlı modelini təqdim etməklə öz smartfon xəttini genişləndirib.

 

“ICTnews” Elektron Xəbər Xidməti “4pda.ru” saytına istinadən yazır ki, aparat “Full HD ” təsvir ölçülü 6,67 düymlük IPS displey və 16 mp-lik selfi sensor üçün dəliklə təchiz edilib. “Snapdragon 720G” mobil platforması əsasında işləyən yenilik 4/6 QB-lıq əməli yaddaş, həmçinin “microSD” yaddaş kartı vasitəsilə genişləndirilə bilən 128 və ya 256 QB-lıq daşıyıcıya malikdir .

 

48, 8, 2 və 5 mp-lik dörd sensordan ibarət əsas kamera bloku smartfonun çəkiliş imkanlarını təmin edir. İstehsalçı biometrik autentifikasiya üsulu kimi korpusun kənarında yerləşdirilmiş barmaq izləri skanerinə üstünlük verib. 5000 milliamper/saat tutumlu akkumulyator gücü 33 vattadək olan sürətli enerjidoldurma texnologiyasını dəstəkləyir.

 

4/6 QB-lıq əməli yaddaşa malik “Poco M2 Pro” modelinin qiyməti 186 dollar, 6/64 QB və 6/128 QB-lıq versiyaların qiyməti müvafiq olaraq 200 və 226 dollar təşkil edəcək. Göy, yaşıl və qara rəngli korpuslarda əlçatan olacaq smartfon iyulun 14-də satışa çıxarılacaq.

 

Emil Hüseynov




Etiketlər:  5000 milliampersaat tutumlu akkumulyator və kvadrokamera ilə təchiz edilmiş Poco M2 Pro smartfonu təqdim edilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ