Aktual mövzular: Dollar alış-satışı, Neftin qiyməti, COP29, Hava proqnozu

Bombardir ''Sumqayıt''dan ayrıldı - ''Mənlik bir şey yoxdur''

Bombardir ''Sumqayıt''dan ayrıldı - ''Mənlik bir şey yoxdur''

Tarix: 12 Iyul 2020 19:40

“Sumqayıt”ın hücumçusu Peyman Babayi komandadan ayrılıb.

Bunu Qol.az-a açıqlamasında İrandan olan, əslən azərbaycanlı futbolçu özü deyib.

Ötən ilin yanvar ayında İranın “Maşınsazi” klubundan 1.5 illiyə icarəyə götürülən hücumçu müqaviləsi başa çatdığı üçün geri dönüb.

25 yaşlı futbolçu əslində Avropa Liqasına vəsiqə qazanan “Sumqayıt”da qalmaq istədiyini, ancaq klubun "Maşınsazi"nin istədiyi məbləği ödəyə bilmədiyini qeyd edib: “Mən indi də istəyirəm ki, “Sumqayıt”da oynayım. Yaxşı baş məşqçimiz var idi. Ayxan Abbasov mənə çox kömək edib. “Sumqayıt”dan heç bir pislik görməmişəm. Biz bir ailə kimi olmuşuq. Əslində mənlik bir şey yoxdur. Avropa Liqasında “Sumqayıt”a köməklik etmək istəyirəm. Mən “Maşınsazi”ni razı saldım ki, “Sumqayıt”da qalım. Sadəcə, müqaviləmin uzadılması üçün “Maşınsazi”nin istədiyi məbləği “Sumqayıt” ödəyə bilmədi. Klublar arasında çoxlu danışıqlar oldu. Ona görə də hazırda Təbrizdəyəm. Ancaq qayıtmağı mən də istəyirəm".

Qeyd edək ki, Peyman Babayi 2019-2020 mövsümündə Premyer Liqamızda 8 qol vuraraq çempionatın şərikli bombardiri olub. 

 


Etiketlər:  Bombardir Sumqayıtdan ayrıldı Mənlik şey yoxdur


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ