Rüfət Dadaşovdan qol ötürməsi

Tarix: 17 Iyul 2020 10:58

Azərbaycan millisinin hücumçusu Rüfət Dadaşovun çıxış etdiyi Amerika Birinci Liqasında (USL) 3-cü turun oyunları keçirilib.

Qol.az xəbər verir ki, Dadaşovun oynadığı “Foneks Rayzinq” səfərdə "Orange Kountri” ilə qarşılaşıb. Görüş 1:1 hesabı ilə başa çatıb. Rüfət oyuna start heyətdə başlayıb və 86-cı dəqiqədə əvəzlənib. O, qol ötürməsi ilə yadda qalıb.

Qeyd edək ki, koronavirus pandemiyasının ardından USL-də format dəyişikliyinə qərar verilib. Klublar 4-5 komandadan ibarət qruplara ayrılıblar. Qrupu birinci və ikinci bitirən komandalar pley-offa vəsiqə qazanacaqlar. Hazırda “Foneks Rayzinq” 3 oyuna 7 xalla qrup birincisidir.