''Qalatasaray''ın Super Liqanın bərpasından sonra ilk qələbəsi - VİDEO

Tarix: 19 Iyul 2020 10:04

Türkiyə Super Liqasında XXXIII turun mübarizəsinə start verilib.

Sonxeber.net Apasport.az-a istinadən bildirir ki, ilk oyun günündə "Qalatasaray" meydana çıxıb.

Çempionatın bərpasından sonra keçirilən 6 oyunda qələbə üzü görməyən və son 3 görüşdə məğlub olan "cim-bom" ortabab "Göztəpə"ni sınağa çəkib. "Sarı-qırmızılılar" son dəqiqələrdə vurduğu qollarla qələbə həsrətinə son qoyub.

Orta sıralarda qərarlaşan "Qaziantep"lə "Kasımpaşa"nın duelində isə qollu bərabərlik qeydə alınıb.

Turun qalan oyunları iyulun 19-da keçiriləcək.

Türkiyə Super Liqası
XXXIII tur

18 iyul
"Qalatasaray" - "Göztəpə" - 3:1
Sarakki, 60; Əmrə Akbaba, 81; Akgün, 90+6 - Napoleoni, 66
"Qaziantep" - "Kasımpaşa" - 2:2
Muhammet Dəmir, 6; Maksim, 78 - Tiam, 13, 37