Aktual mövzular: Dollar alış-satışı, Neftin qiyməti, COP29, Hava proqnozu

Messi “Barselona”dan gedir?

Tarix: 15 Avqust 2020 14:44

“Barselona”nın kapitanı Lionel Messi komandadan ayrılmaq qərarına gəlib.

Qol.az “COPE”ə istinadən xəbər verir ki, 33 yaşlı hücumçu klub rəhbərliyindən narazıdır. O, 2021-ci ilin yayında başa çatacaq müqaviləsini yeniləmək istəmir. Argentinalı oyunçunun yalnız klubda ciddi dəyişikliklər ediləcəyi halda komandada qalacağı bildirilir.

Xəbərdə o da qeyd edilib ki, “İnter” 2021-ci ildə Messini transfer etmək niyyətindədir. İtaliya təmsilçisi bu keçidə görə 260 milyon avro xərcləməyə hazırdır və futbolçuya 4 illik müqavilə təklif etməyi planlaşdırır.

Xatırladaq ki, “Barselona” ötən gecə Çempionlar Liqasının 1/4 finalında “Bavariya”ya 2:8 hesabı ilə məğlub olaraq turnirlə vidalaşıb.

Whatsapp ilə göndər