Gədəbəydə məktəblilərə futbol geyimləri paylanıb (FOTO)

Tarix: 11 Sentyabr 2020 14:36

Bakı. Trend:

“Kəndlərdə idmanı inkişaf etdirək” layihəsi üzrə növbəti tədbir Gədəbəydə keçirilib.

Trend-in məlumatına görə, layihə Prezident İlham Əliyevin 2019-cu il dekabrın 29-da Azərbaycan Milli Olimpiya Komitəsində idmançılarla görüşü zamanı kəndlərdə idmanın inkişafına dair verdiyi tövsiyələrin yerinə yetirilməsi məqsədilə icra olunur.

Layihə çərçivəsində rayonun sərhəd kəndlərində 50 məktəbliyə futbola marağın artırılması məqsədilə idman geyimləri və toplar verilib.

Tədbirdə Gədəbəy rayon İcra Hakimiyyətinin başçısı İbrahim Mustafayev, Milli Məclisin deputatları Arzu Nağıyev, Rauf Əliyev, Sabir Hacıyev, Sevinc Hüseynova və digər rəsmi şəxslər iştirak ediblər.