Məxmərək

Tarix: 12 Sentyabr 2020 22:06

Məxmərək-qızılcaya bənzər səpgilərlə yuxarı tənəffüs yolları tərəfindən zəif kataral təzahürlərlə və periferik limfatik düyünlərin böyüməsi ( əsasən limfa düyünlərin) ilə xarakterizə olunan kəskin infeksiyon xəstəlikdir.
Səbəbləri
Törədicisi RNT tərkibli viruslara aiddir. Məxmərək-antroponoz infeksiyadır,onun əsas mənbəyi qazanılmış və ya anadangəlmə məxmərək ilə xəstə insan və ya virus daşıyıcısıdır. Məxmərək virusunun ötürülmə mexanizmi hava- damcı yoludur. Məxmərək insanların uzun müddətli və sıx ünsiyyətli olduğu yerlərdə asanlıqla yayılır.
Klinikası :
Gizli dövrü bir neçə saatdan 1-2 günə qədər davam edir və zəif intoksikasiya əlamətləri ilə ( bədən temperaturunun subfebril olması, süstlük,yorğuluq ,əzginlik və bəzən yuxuluq ) təzahür edir. Bu zaman yüngül karatal əlamətlərə aiddir -zökəm,boğazın qıcıqlanması ,quru öskürək, boyunun arxa və ənsə limfa düyünlərinin şişkinliyi.
Səpgi dövrü 3-4 gün çəkir. Səpgilər əsasən kiçik ləkəli, acıq cəhrayı rəngli, çoxlu miqdarda və demək olar ki, eyni ölçülü olurlar. Bu ləkələr eyni zamanda əmələ gəlir və bir sutka ərzində insanın üz, döş ,qarın və aşağı ətraflarına yayılır.
Müalicəsi :
Adi gedişli məxmərək ev şəraitində müalicə olunur. Bu xəstələrə vitaminlər, 3-4 gün ərzində yataq rejimi, KRVİ ilə ağırlaşma olduqda simptomatik müalicə,streptokokkla ağırlaşma olduqda antibiotiklər təyin olunur.
Profilaktikası:
5 gün ərzində xəstə uşaq təcrid olunur,kontakta olan uşaqlar isə 21 gün uşaq müəssisələrinə buraxılmamalıdır.