Aktual mövzular: Dollar alış-satışı, Neftin qiyməti, COP29, Hava proqnozu

BMT Baş Assambleyasının COVİD-19-la bağlı Xüsusi Sessiyası keçiriləcək

BMT Baş Assambleyasının COVİD-19-la bağlı Xüsusi Sessiyası keçiriləcək

Tarix: 5 Noyabr 2020 22:51

BMT Baş Assambleyasının COVİD-19 üzrə Xüsusi Sessiyasının detalları barədə qərar üzv ölkələrin böyük dəstəyi ilə bu gün Baş Assambleyada qəbul edildi.

Sonxeber.net Trend-ə istinadən bildirir ki, bunu BMT Baş Assambleyasının 75-ci Sessiyasının sədri Volkan Bozkır özünün "Twitter" hesabında yazıb.

V.Bozkır əlavə edib: "COVID-19-un dövlət, hökumət başçıları səviyyəsində Xüsusi Sessiyası 3-4 dekabr 2020-ci il tarixlərində Prezidentliyimdə keçiriləcəkdir.

Dünya liderləri qarşılaşdığımız bu ən böyük problemə qarşı BMT-də toplanacaqlar. Səhiyyə, iqtisadiyyat, maliyyələşdirmə və peyvəndlər daxil olmaqla COVİD ilə mübarizənin bütün aspektləri hökumətlərin, özəl sektorun, akademik dairələrin və vətəndaş cəmiyyəti liderlərinin iştirakı ilə ətraflı müzakirə ediləcək".

BMT Baş Assambleyasının Azərbaycan Nümayəndəliyinin rəsmi "Twitter" səhifəsində qeyd edilib ki, BMT-nin Baş Assambleyası Azərbaycan Prezidenti İlham Əliyevin Qoşulmama Hərəkatının sədri kimi təşəbbüs göstərdiyi yeni növ koronovirusla əlaqədar BMT Baş Assambleyasının 31-ci Xüsusi Sessiyasının keçirilmə qaydası haqqında qərar qəbul edib.


Etiketlər:  Baş Assambleyasının COVİD bağlı Xüsusi Sessiyası keçiriləcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ