Aktual mövzular: Dollar alış-satışı, Neftin qiyməti, COP29, Hava proqnozu

“Xbox” oyunları “ağıllı” televizorlarda oynanılacaq

Tarix: 28 Noyabr 2020 10:27

"Xbox" proqramı 2021-ci ildə "ağıllı" televizorlara quraşdırılacaq. Bu barədə "Microsoft" korporasiyasının "Xbox" bölməsinin rəhbəri Fil Spenser "The Verge" nəşrinə müsahibədə deyib.

"ICTnews" Elektron Xəbər Xidməti "3DNews" resursuna istinadən yazır ki, "xCloud" servisinin televizor üçün proqrama çevrilməsi ilə bağlı sualı cavablandıran korporasiya nümayəndəsi bunun yaxın 1 il ərzində baş verəcəyini bildirib.

Ötən ay F.Spenser "Stratechery" bloquna müsahibədə televizora qoşaraq "xCloud" servisi vasitəsilə oyunlar oynamağa imkan verən xüsusi qurğular buraxmaq niyyətində olduğunu qeyd edib. Onların 2021-ci ildə işıq üzü görəcəyi ehtimal olunur.

Maraqlıdır ki, "Microsoft" oxşar aparat həlli üzərində 2016-cı ildə çalışıb – onun kod adı "Project Hobart" olub, lakin sonda ondan imtina edilib.

Nizam Nuriyev

Whatsapp ilə göndər