Bundesliqada liderlər uduzub

Tarix: 23 Yanvar 2021 23:40

Almaniya Bundesliqasında XVIII tur 6 oyunla davam edib.

Sonxeber.net apasport.az-a istinadən bildirir ki, qarşılaşmalar liderlər qrupundakı komandalar üçün gözlənilməz məğlubiyyətlə başa çatıb.

Çempionluq uğrunda mübarizə aparan "Bayer" ev matçına çıxıb. Ötən turda Dortmund "Borussiya"sına qalib gələn leverkuzenlilər yuxarı pillələrə iddia edən digər komanda "Volfsburq"u qəbul edib. Yeganə qol sayəsində qələbə qazanan "Volfsburq" rəqibi ilə aradakı xal fərqini qapadıb.

Lider "Bavariya"nın çempionluq uğrunda əsas rəqibi sayılan "Leypsiq" isə səfərdə gözlənilmədən "Mayns"a uduzub.

Tura yanvarın 24-də keçiriləcək "Şalke" - "Bavariya" (18:30) və "Hoffenhaym" - "Köln" (21:00) oyunları ilə yekun vurulacaq.

Almaniya Bundesliqası
XVIII tur
23 yanvar
"Arminiya" - "Ayntraxt" - 1:5
Kordova, 36 - Silva, 25, 33, Kostiç, 27, Nilsson, 51 (avtoqol), Yoviç, 75
"Auqsburq" - "Union" - 2:1
Niderlexner, 17, 47 - İnqvartsen, 25
"Bayer" - "Volfsburq" - 0:1
Baku, 35
"Frayburq" - "Ştutqart" - 2:1
Demiroviç, 14, Yon Vu-Yon, 37 - Vamanqituka, 7
"Mayns" - "Leypsiq" - 3:2
Niakate, 24, 35, Barreyro, 50 - Adams, 15, Halstenberq, 30
"Herta" - "Verder" - 1:4
Kordoba, 45+2 - Selke, 10 (pen.), Ömər Toprak, 29, Bittenkurt, 57, Sargent, 77