Aktual mövzular: Dollar alış-satışı, Neftin qiyməti, COP29, Hava proqnozu

Superkompüterlər yeni virusun hücumuna məruz qalıblar

Superkompüterlər yeni virusun hücumuna məruz qalıblar

Tarix: 4 Fevral 2021 00:03

"ESET" şirkətinin mütəxəssisləri yeni kompüter virusunun aşkar edilməsi ilə bağlı hesabat dərc ediblər. Zərərli proqram təminatı artıq dünyada fəaliyyət göstərən superkompüterlərə qarşı bir sıra genişmiqyaslı hücumlar həyata keçirib. Yalnız "Windows" serverlər deyil, həm də "Linux", "BSD" və "Solaris" sistemlərinin idarəetməsi altında işləyən qurğular problemlə üzləşiblər.

 

"ICTnews" Elektron Xəbər Xidməti "4pda.ru" saytına istinadən yazır ki, hesabata görə, "Kobalos" adlandırılmış zərərverici proqram hakerlərə fayl sisteminə uzaq məsafədən giriş imkanı yaradır, terminal seansları işə salmağa və həmçinin virusa yoluxdurulmuş başqa serverlərlə proksi-qoşulmalar həyata keçirməyə imkan verir. Artıq Avropada elmi tədqiqat və universitet şəbəkələri müdaxiləyə məruz qalıblar. Bundan başqa, Asiyanın böyük internet-provayderi, Şimali Amerikanın antivirus məhsulları tədarükçüsü, həmçinin bir neçə özəl və hökumət serveri hücuma məruz qalıblar.

 

Emil Hüseynov




Etiketlər:  Superkompüterlər yeni virusun hücumuna məruz qalıblar


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ