Aktual mövzular: Dollar alış-satışı, Məzənnə, Neftin qiyməti

Təhsil Nazirliyi vətəndaşları video formatda qəbul edəcək

Tarix: 15 Fevral 2021 13:54

Bakı. İlhamə İsabalayeva - Trend:

Təhsil Nazirliyi tərəfindən 15 fevral tarixindən etibarən vətəndaş qəbulu prosesi videoqəbul formatında həyata keçiriləcək.

Nazirlikdən Trend-ə verilən məlumata görə, videoqəbulların təşkilində əsas məqsəd vətəndaş qəbulu prosesini səmərəli təşkil etməkdir.

Nazirliyin vəzifəli şəxslərinin qəbuluna yazılmaq istəyən vətəndaşlar Telefon Məlumat Mərkəzinin 146-1 nömrəli telefonuna zəng etməklə qəbula yazıla bilərlər. Videoqəbullarda müraciətlərə “Vətəndaşların müraciətləri haqqında” Azərbaycan Respublikasının Qanununa uyğun olaraq baxılacaq.

Qeyd edək ki, qəbul günləri haqqında məlumatları Telefon Məlumat Mərkəzinin əməkdaşlarından əldə edə bilərsiniz.

Whatsapp ilə göndər