Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanda 50 yaşdan yuxarı şəxslərin vaksinasiyasına başlanılıb (VİDEO)

Azərbaycanda 50 yaşdan yuxarı şəxslərin vaksinasiyasına başlanılıb (VİDEO)

Tarix: 17 Fevral 2021 09:24

Bakı. Ceyhun Ələkbərov - Trend:

Bu gün səhər saatlarından ölkədə 50 yaşdan yuxarı şəxslərin vaksinasiyasına başlanılıb.

Trend-in məlumatına görə, sözügedən şəxslər https://randevu.its.gov.az/ saytına daxil olaraq, “COVID-19 vaksin randevu” elektron xidmətindən istifadə etməklə koronavirus xəstəliyi əleyhinə vaksinasiya üçün onlayn qaydada növbə götürərək qeydiyyatda olduqları poliklinikalara yaxınlaşırlar.

Qeyd edək ki, “COVID-19 vaksin randevu” elektron xidmətində vətəndaş ilk olaraq şəxsiyyət vəsiqəsinin seriya nömrəsini və FİN kodunu daxil edib “Yoxla” düyməsinə basmalıdır. Bundan sonra, vətəndaş təqdim olunan siyahıdan peyvənd məntəqəsini, randevu tarixini və saatını seçib, mobil nömrəsini daxil etməlidir. Qeydiyyat başa çatdıqdan sonra daxil edilən mobil nömrəyə növbənin qeydə alınması ilə bağlı mesaj göndərilir. Mesajda birinci dozanın vurulacağı tarix, saat və məkan qeyd edilir.


Etiketlər:  Azərbaycanda yaşdan yuxarı şəxslərin vaksinasiyasına başlanılıb VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ