Aktual mövzular: Dollar alış-satışı, Neftin qiyməti, COP29, Hava proqnozu

Nikol Paşinyan tərəfdarlarını yenidən meydana çağırdı

Tarix: 28 Fevral 2021 09:20

Ermənistan müxalifəti ölkənin baş nazirinin istefası tələbilə növbəti mitinqin gününü və saatını elan etdikdən sonra Nikol Paşinyan da hərəkətə keçib.

Sonxeber.net musavat.com-a istinadən bildirir ki, "Vətəni xilas hərəkatı"nın lideri Vazgen Manukyanın mitinq anonsundan sonra N.Paşinyan öz tərəfdarlarını növbəti dəfə meydana çağırıb. Sosial şəbəkələr üzərindən tərəfdarlarına müraciət edən Ermənistanın baş naziri onları elə müxalifətin mitinq keçirəcəyi gün, 1 mart, saat 18.30-da İrəvanın Azadlıq meydanına dəvət edib.

Qeyd edək ki, həmin gün 1 mart 2008-ci il hadisələrinin ildönümüdür. Eks-prezident Robert Köçəryan və digərləri məhz həmin hadisələrə, 10 nəfərin öldürülməsi, çoxsaylı insanın yaralanması və həbsilə bağlı mühakimə olunur. İstisna deyil ki, həmin gün iqtidar və müxalifət tərəfdarları arasında növbəti toqquşma baş versin.

Whatsapp ilə göndər