Aktual mövzular: Dollar alış-satışı, Neftin qiyməti, COP29, Hava proqnozu

50 avroluq mərclə dəyişən karyera - Artıq “Qızıl top”u da var

50 avroluq mərclə dəyişən karyera - Artıq “Qızıl top”u da var

Tarix: 4 Mart 2021 13:58

"Bavariya"nın hücumçusu Robert Levandovski karyerasındakı yüksəlişin səbəbini açıqlayıb.

Sonxeber.net apasport.az-a istinadla bildirir ki, polşalı forvard bunu hazırda "Liverpul"u çalışdıran Yurgen Kloppla əlaqələndirib.

Levandovski bildirib ki, Dortmund "Borussiya"sında olarkən komandanın sükanı arxasında olan Kloppla girdiyi mərc onu bu səviyyəyə gətirib: "Dortmunda gedəndə alman dilində yalnız "danke" (təşəkkür edirəm) sözünü bilirdim. Kloppun məşqlərində temp çox yüksək olurdu. Yurgen bir gün mənə meydan oxudu. Bildirdi ki, ikitərəfli oyunda 10 qol vursam, 50 avro verəcək. Mən də bu mərci qəbul etdim. Bir neçə həftə hər ikitərəfli oyundan sonra ona 50 avro ödəməli oldum. Çünki mərci uduzurdum, Klopp da mənə gülürdü".

Forvard bir müddət sonra vəziyyətin dəyişdiyini vurğulayıb: "Bir neçə həftə sonra rollar dəyişdi. Pul qazanan tərəf mən idim. Yurgen də bir gün mənə yaxınlaşaraq, "bu qədər kifayətdir, artıq hazırsan" dedi. Onunla girdiyim bu mərc mənim qolçuluq bacarığımı artırdı".

Qeyd edək ki, Robert Levandovski 2020-ci ildə "Qızıl top" mükafatına layiq görülüb.


Etiketlər:  avroluq mərclə dəyişən karyera Artıq Qızıl topu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ