Aktual mövzular: Dollar alış-satışı, Neftin qiyməti, COP29, Hava proqnozu

Yaponiyada geniş temperatur diapazonuna davamlı batareya təqdim edilib

Tarix: 10 Mart 2021 11:36

“Hitachi Zosen” şirkəti tərəfindən hazırlanmış geniş temperatur diapazonuna davamlı və rekord tutuma malik batareya peyk və sənaye texnologiyasında istifadə edilə bilər.

“ICTnews” Elektron Xəbər Xidməti “hightech.fm” saytına istinadən yazır ki, ötən həftə Tokioda keçirilmiş sərgidə təqdim edilmiş məhsuldar yarımkeçirici batareyanın tutumu 1000 milliamper/saatdır ki, bu da yapon şirkətinin əvvəlki modelləri ilə müqayisədə təxminən 7 dəfə çoxdur. Yenilik, həmçinin 100-dən -40 selsi dərəcəyədək temperaturda işləyə bilər.

Şirkət yarımkeçirici batareyaların kosmosda sınaqdan keçirilməsi üçün Yapon Aerokosmik Tədqiqatlar Agentliyi ilə razılığa gəlib. “Hitachi Zosen” şirkətinin batareyası ilə işləyən fotoaparatlar üçün avadanlıq artıq bu ilin payızında Beynəlxalq Kosmik Stansiyadakı Kibo moduluna göndəriləcək, sınaqlar 6 ay davam edəcək.

Emil Hüseynov

Whatsapp ilə göndər