Aktual mövzular: Dollar alış-satışı, Məzənnə, Neftin qiyməti

“Razer” şirkəti “Anzu” “ağıllı” eynəyini nümayiş etdirib

“Razer” şirkəti “Anzu” “ağıllı” eynəyini nümayiş etdirib

Tarix: 11 Mart 2021 21:56

Oyun həvəskarları üçün müxtəlif qurğular buraxan "Razer" şirkəti "Anzu" adlı ilk "ağıllı" eynəyi rəsmən təqdim edib. Qurğu şirkətin saytında və Şimali Amerika mağazalarında 200 dollara satışa çıxarılıb.

Milli.Az ictnews.az-a istinadən bildirir ki, eynək iki dizayn (dairəvi və çoxbucaqlı linzalarla) variantında və iki ölçüdə buraxılıb. "Anzu" dəstinə iki cüt linza da daxildir: adi (mavi işıq filtri ilə) və gündən qorunma. "Ağıllı" eynəyin funksionallığı ondan simsiz qulaqcıq əvəzinə istifadəyə imkan verir. Qurğu smartfona və ya digər səs mənbəyinə "Bluetooth" vasitəsilə qoşulur.

Eynəyin hər iki əyri dəstəyində musiqi nömrələrinin dəyişdirilməsi, səsli zənglərin qəbulu və ya imtina edilməsi və səsli köməkçinin aktivləşdirilməsi üçün sensor sahələr yerləşir. Akkumulyatorun bir dəfə tam enerji ilə doldurulduqdan sonra avtonom işləmə vaxtı təxminən 5 saat təşkil edir, gözləmə rejimində isə eynək iki həftəyədək işləyə bilər.

Milli.Az


Etiketlər:  Razer şirkəti Anzu ağıllı eynəyini nümayiş etdirib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ