Aktual mövzular: Dollar alış-satışı, Məzənnə, Neftin qiyməti

Cənubi afrikalı milyarder Afrika Futbol Konfederasiyasının prezidenti seçilib

Cənubi afrikalı milyarder Afrika Futbol Konfederasiyasının prezidenti seçilib

Tarix: 14 Mart 2021 20:22

Beynəlxalq Futbol Federasiyaları Assosiasiyasının (FIFA) himayəsi ilə keçirilən seçkilərdə Cənubi Afrikadan olan milyarder Patrise Motsepe Afrika Futbol Konfederasiyasının (CAF) prezidenti seçilib.

Milli.Az AZƏRTAC-a istinadən bildirir ki, CAF-ın yeni rəhbəri bu vəzifəni ötən ilin noyabrında FIFA-nın vəzifəsindən kənarlaşdırdığı madaqaskarlı Əhməd Əhməddən təhvil alıb. Mavritaniya nümayəndəsi Əhməd Yəhya konfederasiyanın birinci vitse-prezidenti, seneqallı Auqistin Senyor isə vitse-prezidenti seçiliblər.

CAF-ın keçmiş prezidentinin yol verdiyi ciddi nöqsanlara diqqəti çəkən FIFA prezidenti Canni İnfantino bildirib ki, Afrika futbolunun geniş potensialı var və yeni rəhbərlik bu imkanlardan səmərəli istifadə etməlidir. O əlavə edib ki, Afrika Futbol Konfederasiyasında olan nöqsanları araşdırmaq üçün FIFA-nın baş katibi Fatma Samura altı aylıq müddətə Qahirəyə ezam edilib.

"Forbes" jurnalının versiyasına görə, Afrika futbolunun yeni rəhbəri Motsepenin 2,9 milyard dollar sərvəti var.

Milli.Az


Etiketlər:  Cənubi afrikalı milyarder Afrika Futbol Konfederasiyasının prezidenti seçilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ