Doğru bildiyiniz yanlışlar: yerə düşən qidanı 5 saniyəyə götürsəniz...

Tarix: 14 Mart 2021 21:39

Koronavirus və ya bənzər zərərli hissəciklər, həmçinin bakteriyalara yoluxmamaq üçün nə etməli olduğumuz barədə mütəmadi olaraq bir çox tövsiyələr eşidirik. Ancaq həqiqət budur ki, bu tövsiyələrin çoxu qeyri-effektivdir və həqiqətə uyğun gəlmir.

Sonxeber.net həmin tövsiyələrdən bəzilərini təqdim edir.

Kimsə yaxınlıqda öskürəndə nəfəs almayın

Kimsə yaxınlıqda öskürəndə və ya asqıranda nəfəsinizi tutmaq infeksiyanın qarşısını almağa kömək etməyəcək. Tüpürcək damcıları tənəffüs yollarınıza nüfuz edə, bədənə və saçlara yapışa bilir. Üstəlik, viruslar və bakteriyalar gözdən də keçə bilər. Yəni nəfəsinizi tutub saxlamaq heç bir əhəmiyyət daşımayacaq.

Yerə düşən qidanı 5 saniyə ərzində götürmək

Bəzi insanlar yerə düşmüş qidanı 5 saniyəyə götürsəniz, yeyə biləcəyinizə inanırlar. Əslində bu belə deyil: qidanın qəbula yararsız hala gəlməsi üçün saniyənin bir hissəsi belə kifayətdir.

Lift düymələrini dirsəklə basın

Bəzi insanlar lift düymələrini basmaq üçün dirsəyinizdən istifadə etməyi məsləhət görürlər. Ancaq həqiqət budur ki, bakteriyalar asanlıqla hərəkət edir, buna görə yoluxmuş səthə hansı hissəyə toxunmağınızdan asılı olmayaraq, həmişə yoluxma riski var.

Antibakterial salfetdən istifadə

Bir salfetlə birdən çox səthi silməyin heç bir mənası yoxdur. Bu, yalnız hər bir əşya üçün ayrı bir antibakterial salfet götürsəniz, effektiv olacaq. Telefonunuzu, masanızı və ya başqa şeyləri eyni salfetlə silməyinizə ehtiyac yoxdur -bununla yalnız bakteriya və viruslar yayacaqsınız.

Əlləri hər 15 dəqiqədən bir təmizləyin

Təmizləyici maddəni nə qədər çox istifadə etsəniz, o qədər az fayda verəcək. Məsələ ondadır ki, antiseptiklər həmişə təsirli olmur. Bunlar heç vaxt ənənəvi əl yuma alternativi olmamalıdır və məhsulu çirkli əllərə tətbiq etməyin mənası yoxdur. (publika.az)