Aktual mövzular: Dollar alış-satışı, Məzənnə, Neftin qiyməti

Xanımı sabiq prezidenti müflis etdi - İnternetdə elan verib, iş axtarır

Tarix: 20 Aprel 2021 14:16

Polşanın keçmiş prezidenti və Nobel Sülh Mükafatı laureatı Lex Valensa internetdə iş axtarır.

Milli.Az yenisabah.az-a istinadən xəbər verir ki, o pensiyasının 6 min zlotiya olduğunu, həyat yoldaşının isə hər ay 7 min zlotiya xərclədiyini və buna görə də 20 min zlotiya maaşı olan bir iş istədiyini deyib. Valensa yayımladığı elanda ailə toplantılarında qonaqlar ilə bir araya gələrək şəkil çəkdirib imza ata biləcəyini də qeyd edib.

Elanda özündən "Təcrübəli lider, böyük natiq, Nobel Sülh Mükafatı laureatı, 1990-1995-ci illərdə Polşanın Prezidenti" kimi bəhs edən Valensa şirkətlərdə liderlik təhsili verə və təşviq iclaslarında iştirak edə biləcəyini vurğulayıb.

Sabiq Prezident gündəlik 1-2 saatlıq görüş üçün minimum 20 min zlotiya (təqribən 5 min dollar) tələb etdiyini və danışığa açıq olduğunu bildirib. Ümumilikdə 7 uşaq və çox sayda nəvədən ibarət böyük bir ailəyə sahib olduğunu ifadə edən keçmiş Valensa onların ehtiyaclarını qarşılamalı olduğunu diqqətə çatdırıb.

Milli.Az

Whatsapp ilə göndər