''Xatirə-Zaur'' qalmaqalı bitdi - FOTO

Tarix: 26 May 2021 11:55

Müğənni Xatirə İslamla aparıcı Zaur Kamal barışıb.

Sonxeber.net axşam.az-a istinadən xəbər verir ki, bu haqda Xatirə yeni paylaşımında qeyd edib. O, birlikdə çəkilən fotolarını yayımlayaraq "Hamı elə bilir küsülüyük" qısa şərhini yazıb. Aparıcı və müğənni tədbirlərin birində qarşılaşıblar.

Qeyd edək ki, aparıcı ilə müğənni arasındakı qalmaqala səbəb Xatirənin verilişlərə çıxmaq üçün televiziya rəhbərlərindən qonorar istəməsi olmuşdu. Zaur ifaçının ünvanına "Bu mövsüm Xatirəni bircə dəfə efirə çağırdıq, onda da dedi ki, kökəlmişəm, arıqlayım gələcəm. Şəxsən mən pulla Xatirəni verilişimə dəvət etmərəm. Bu istək normal deyil. Onda gərək aparıcı da müğənnini efirdə istədiyi kimi istifadə etsin. Qonorar verirəmsə, onda gərək müğənni şou göstərsin, canlı oxusun" sözlərini deyib.

Bu sözlərə əsəbiləşən Xatirə aparıcını tənqid edib və "Zaur, amma bir dəfə yox, dəfələrlə çağırmısan. Deyirsən, qonorar verilsə, telekanal da müğənnidən istədiyi kimi istifadə edəcək. Necə? Nə mənada və nə məqsədlə demisən? Bilirəm, pis mənada deməzsən, amma yaxşı mənası da yoxdur. Müğənni demir ki, mənə qonorar ödə, ağzına gələni de. Müğənni oxuduğu məhsula, çəkdiyi əziyyətə görə pul istəyir. İndiyənə qədər istədiyini alçaldıb, biabır etmisən. Nə gəldi danışmısan. İndi gör onlara nə qədər borcun var. Onları qonorar ödəmədən etmisən. Dost demişəm sənə, amma... Səndən soruşanda Xatirə efirə çıxmağa pul istəyir, deyərdin, Xatirəyə pul qurbandır. Məni tanıyırsan, bilirsən necə insanam. Müğənniyə dəyər verilməlidir. Hər verilişin 10-15 sponsoru var. Onlar ayda 20-30 min pul ödəyir. Ayda bir veriliş kanala 200-300 min pul gətirir. Ola bilər bu sözlərdən sonra kanal rəhbərlərinin məndən zəhləsi gedəcək, amma həqiqəti deyirəm" cavabını verib.