Aktual mövzular: Dollar alış-satışı, Məzənnə, Neftin qiyməti

Gerye “Neftçi” ilə müqavilə bağlayır

Tarix: 4 Avqust 2019 13:08

“Qarabağ”dan ayrılan Donald Gerye karyerasını “Neftçi”də davam etdirəcək. Haitili cinah müdafiəçisinin paytaxt klubuna keçidi artıq dəqiqləşib.

Tərəflər bütün şərtlərdə razılığa gəliblər və 2 illik müqaviləyə qol çəkəcəklər. “Neftçi” yeni transferini Avropa Liqasının III təsnifat mərhələsində İsrailin “Bney Yehuda” klubu ilə oyunlar üçün UEFA-ya sifariş edəcək.

Gerye 2017-ci ilin yayında Türkiyənin “Alanyaspor” klubundan “Qarabağ”a keçmişdi. Bu yay o, Ağdam təmsilçisi ilə yeni sözləşmə ilə bağlı razılığa gəlsə də, tərəflər son anda müqaviləni uzatmaqdan imtina etmişdi (Futbolpress).

Whatsapp ilə göndər